செய்திகள் இன்று

10-வது, +2 சிறப்புத் துணைத் தேர்வு

பத்தாம் வகுப்பு மெட்ரிக், ஆங்கிலோ இந்தியன் பிரிவில் மட்டும் 3 பாடங்கள் வரை தேர்ச்சி பெறாதவர்களுக்கு சிறப்பு துணை தேர்வு ஜூன், ஜூலையில் நடத்தப்படுகிறது.

கடைசி நாள் வரை விண்ணப்பிக்காத தனித் தேர்வர்கள், சிறப்பு அனுமதி திட்டத்தின் கீழ் தேர்வு எழுதலாம். விண்ணப்பங்கள், நாளை முதல் 18ம் தேதி வரை வழங்கப்படும். பூர்த்தி செய்யப்பட்ட விண்ணப்பங்கள், 18ம் தேதிக்குள் சமர்ப்பிக்க வேண்டும்.

மெட்ரிக், ஆங்கிலோ இந்தியன் பிரிவில் 3 பாடங்கள் வரை தேர்ச்சி பெறாதவர்கள் மட்டுமே, இந்த சிறப்பு துணை தேர்வுக்கு விண்ணப்பிக்கலாம். மெட்ரிக் மாணவர்கள் ஒரு பாடத்துக்கு ரூ.635, இரு பாடங்களுக்கு ரூ.735, மூன்று பாடங்களுக்கு ரூ.835 கட்டணம் செலுத்த வேண்டும்.

ஆங்கிலோ இந்தியன் பிரிவு மாணவர்கள் ஒரு பாடத்துக்கு ரூ.585, இரு பாடங்களுக்கு 635, மூன்று பாடங்களுக்கு ரூ.685 கட்டணம் செலுத்த வேண்டும்.

பிளஸ் 2 தேர்வில் 3 பாடங்கள் வரை தேர்ச்சி பெறாதவர்களுக்கும், சிறப்பு துணை தேர்வு இந்த மாதம் நடக்கிறது. விண்ணப்பங்களை 18ம் தேதிக்குள் சமர்ப்பிக்க வேண்டும்.

சென்னை அரசு தேர்வுகள் இயக்ககத்தில் நேரில் சமர்ப்பிக்க வேண்டும். சென்னையில் மட்டுமே தேர்வு மையம் அமைக்கப்படும். விண்ணப்பித்த அன்றே ஹால் டிக்கெட் வழங்கப்படவுள்ளது.